ញ៉ូវយ៉ក៖ អតីតប្រធានាធិបតីអាមេរិកទី៤៥ លោក ដូណាល់ ត្រាំ បានចោទប្រកាន់រដ្ឋអាជ្ញាអាមេរិកថាបានប្រើយុទ្ធសាស្ត្រចេញពីអតីតសហភាពសូវៀត ដែលថាពេលគេមិនអាចប្រកួតឈ្នះសន្លឹកឆ្នោតគេនឹងប្រើប្រពន្ធច្បាប់ដើម្បីរារាំងអ្នកនោះ។

ការលើកឡើងនេះគឺបន្ទាប់ពីតុលាការក្រុងញ៉ូយ៉កបានដំណើរការក្ដីលោកត្រាំ ពាក់ព័ន្ធបទល្មើសផ្ដល់លុយដល់តួកុនអាសអាភាសបិតមាត់រឿងទំនាក់ទំនងផ្លូវភេទ។ សវនាការនេះធ្វើឡើងកាលពីថ្ងៃទី៤ ខែមេសា ឆ្នាំ២០២៣ ត្រូវនឹងថ្ងៃទី៥ ខែមេសា ឆ្នាំ២០២៣នេះនៅកម្ពុជា។

ថ្លែងក្នុងវេទិកាមួយក្រោយបញ្ចប់សវនាការលោកត្រាំបានថ្លែងថា៖ «គេមិនអាចវាយយើងនៅលើសន្លឹកឆ្នោតបានទេ ដូច្នេះគេព្យាយាមវាយយើងតាមច្បាប់។ នេះហើយជាប្រទេសដែលយើងរស់នៅបច្ចុប្បន្ននេះ»។

ការដំណើរការក្ដីរបស់លោកត្រាំនៅពេលនេះគឺក្នុងពេលដេលការបោះឆ្នោតប្រធានាធិបតីអាមេរិកឆ្នាំ២០២៤ កាន់តែខិតជិតមកដល់ ខណៈលោកដូណាល់ត្រាំកំពុងព្យាយាមត្រលប់ទៅកាន់វិមានសវិញ៕